承認
《承認》Sîng-jīn
彭莉Phênn Lī(彭立Phênn Li̍p)
——————————————
咱兩人攏費盡心機
lán nn̄g-lâng lóng huì-tsīn sim-ki
欲維持咱的愛情
beh uî-tshî lán ê ài-tsîng
看來是簡單兩字
khuànn–âi sī kán-tan nn̄g-jī
總是予人想袂開
tsóng–sī hōo-lâng siūnn buē-khui
你開始欣羨別人的伊
lí khai-sí him-siān pa̍t-lâng ê i
要求我改變過去
iau-kiû guá kái-piàn kuè-khì
我變甲無成我家己
guá piàn kah bô sîng guá ka-tī
咱的愛嘛失去原味
lán ê ài mā sit-khì guân-bī
若愛情是負擔的開始
nā ài-tsîng sī hū-tam ê khai-sí
你的選擇是啥物
lí ê suán-ti̍k sī siánn-mih
是咱的海誓山盟
sī lán ê hái-sè san-bîng
是一切宣佈放棄
sī it-tshè suan-pòo hòng-khì
我想我無意義
guá siūnn guá bô ì-gī
若愛情是負擔的開始
nā ài-tsîng sī hū-tam ê khai-sí
毋通講是不得已
m̄-thang kóng sī put-tit-í
若相愛袂當做陣
nā siong-ài buē-tàng tsuè-tīn
這答案慢慢接近
tse tap-àn bān-bān tsiap-kīn
咱也著愛承認
lán iā tio̍h-ài sîng-jīn
