成功佮失敗
《成功佮失敗》Sîng-kong Kah Sit-pāi
楊挺Iûnn Thíng
——————————————
一時的失敗何必心空虛
tsi̍t-sî ê sit-pāi hô-pit sim khang-hi
應該閣再提出著勇氣
ing-kai koh-tsài the̍h tshut tio̍h ióng-khì
一切當做是運命的安排
it-tshè tòng-tsuè sī ūn-miā ê an-pâi
垂頭喪氣實在無理智
suî-thiô sòng-khì si̍t-tsāi bô lí-tì
朋友啊朋友
pîng-iú–ah pîng-iú
到處有青山
tò-tshú iú tshing-san
相信自己
siong-sìn tsū-kí
倚靠青春時
uá-khò tshing-tshun-sî
溫暖的世間
un-luán ê sè-kan
真濟的機會
tsin tsuē ê ki-huē
伸著雙手
tshun tio̍h siang-tshiú
一直歡迎你
it-ti̍t huan-gîng lí
請你毋通心空虛
tshiánn lí m̄-thang sim khang-hi
請你毋通失理智
tshiánn lí m̄-thang sit lí-tì
把握著時機
pá-ak tio̍h sî-ki
一時的成功何必喜衝天
tsi̍t-sî ê sîng-kong hô-pit hí tshiong thinn
心肝更加鎮靜才合理
sim-kuann kìng-ka tìn-tsīng tsiah ha̍p-lí
毋通當做是幸運的八字
m̄-thang tòng-tsuè sī hīng-ūn ê pueh-jī
自鳴得意實在無理智
tsū-bîng tik-ì si̍t-tsāi bô lí-tì
朋友啊朋友
pîng-iú–ah pîng-iú
難測的風雲
lân-tshik ê hong-hûn
變化無常
piàn-huà bû-siông
包圍你身邊
pau-uî lí sin-pinn
虛華的幻夢
hi-hua ê huàn-bāng
趕緊來清醒
kuánn-kín lâi tshing-tshínn
虛心熱誠
hi-sim jia̍t-sîng
保持溫柔味
pó-tshî un-jiû bī
請你毋通喜衝天
tshiánn lí m̄-thang hí tshiong thinn
請你毋通失理智
tshiánn lí m̄-thang sit lí-tì
堅強著意志
kian-kiông tio̍h ì-tsì
