愛的小雨傘
《愛的小雨傘》Ài ê Sió Hōo-suànn
蔡茗淇Tshuà Bíng-kî
——————————————
愛的小雨傘
ài ê sió hōo-suànn
攬著你佮我
lám tio̍h lí kah guá
毋驚風雨淋
m̄-kiann hong-hōo lâm
予咱愈靠心愈倚
hōo lán jú khò sim jú uá
愛的小雨傘
ài ê sió hōo-suànn
攬著鴛鴦伴
lám tio̍h uan-iunn phuānn
溫暖入心肝
un-luán ji̍p sim-kuann
咱的愛是天註定
lán ê ài sī thinn tsù-tiānn
姻緣簿寫著咱的名
in-iân-phōo siá tio̍h lán ê miâ
人生的歲月牽手行
jîn-sing ê suè-gua̍t khan-tshiú kiânn
姻緣簿印著咱的名
in-iân-phōo ìn tio̍h lán ê miâ
今生的情緣心相倚
kim-sing ê tsîng-iân sim sio-uá
甜蜜的牽掛
tinn-bi̍t ê khian-kuà
將你惜命命
tsiong lí sioh-miā-miā
一句感謝囥心肝
tsi̍t-kù kám-siā khǹg sim-kuann
