你做你我做我
《你做你我做我》Lí Tsuè Lí Guá Tsuè Guá
蘇錦煌Soo Kím-hông
——————————————
免心疼
bián sim thiànn
也毋免怨命
iā m̄-bián uàn miā
一切攏是天註定
it-tshè lóng-sī thinn tsù-tiānn
愛情既然予人來拆散
ài-tsîng kì-jiân hōo-lâng lâi thiah-suànn
只怪你心掠袂定
tsí kuài lí sim lia̍h buē-tiānn
我知影你的心內
guá tsai-iánn lí ê sim-lāi
猶閣有伊的影
iáu-koh ū i ê iánn
你的心一直袂動
lí ê sim it-ti̍t buē tāng
平平靜靜對待我
ping-pîng-tsīng-tsīng tuì-thāi guá
何必啦
hô-pit–lah
為你凝心肝
uī lí gîng sim-kuann
為你費心情
uī lí huì sim-tsiânn
從今以後隨人行
tsiông-kim í-āu suî lâng kiânn
你做你
lí tsuè lí
我做我
guá tsuè guá
為愛情暝日咧拚命
uī ài-tsîng mî-ji̍t teh piànn-miā
予人笑也無怨聲
hōo-lâng tshiò iā bô uàn-siann
只問自己會當予你啥
tsí mn̄g tsū-kí ē-tàng hōo lí siánn
你心內應該知影
lí sim-lāi ing-kai tsai-iánn
有聽見真濟風聲
ū thiann-kìnn tsin tsē hong-siann
你佮伊行真倚
lí kah i kiânn tsin uá
你的心一直隱瞞
lí ê sim it-ti̍t ún-muâ
冷冷冰冰對待我
líng-líng ping-ping tuì-thāi guá
乾杯啦
kha̋n-pái–lah
燒酒啉予焦
sio-tsiú lim hōo ta
心情較快活
sim-tsîng khah khuìnn-ua̍h
感情路上隨人行
kám-tsîng-lōo siōng suî lâng kiânn
你做你
lí tsuè lí
我做我
guá tsuè guá
