人生的路
《人生的路》Jîn-sing ê Lōo
蘇錦煌Soo Kím-hông
——————————————
人生人生這條路
jîn-sing jîn-sing tsit tiâu lōo
坎坷的路途
khám-khia̍t ê lōo-ôo
有時好天有時雨
ū-sî hó-thinn ū-sî hōo
有甜也有苦
ū tinn iā ū khóo
行一步算一步
kiânn tsi̍t-pōo sǹg tsi̍t-pōo
千萬毋通踏錯誤
tshian-bān m̄-thang ta̍h tshò-gōo
人生路互相來幫助
jîn-sing-lōo hōo-siong lâi pang-tsōo
一生來追求著
it-sing lâi tui-kiû tio̍h
光明的前途
kong-bîng ê tsiân-tôo
人生人生
jîn-sing jîn-sing
路歹行
lōo pháinn-kiânn
親像山嶺
tshin-tshiūnn peh suann-niá
目標著愛掠予定
bo̍k-piau tio̍h-ài lia̍h hōo tiānn
勇敢向前行
ióng-kám hiòng-tsîng kiânn
行一步算一步
kiânn tsi̍t-pōo sǹg tsi̍t-pōo
千萬毋通心搭嚇
tshian-bān m̄-thang sim tah-hiannh
人生路互相來拍拚
jîn-sing-lōo hōo-siong lâi phah-piànn
一生來追求著
it-sing lâi tui-kiû tio̍h
光榮的名聲
kong-îng ê miâ-siann
