無情海
《無情海》Bô-tsîng Hái
秋乃華Tshiu Nái-huâ(林楓)
——————————————
黃昏的日頭漸斜西
hông-hun ê ji̍t-thâu tsiām tshiâ-sai
海鳥悲啼聲聲哀
hái-tsiáu pi-thî siann-siann ai
一片茫茫無情海
it-phiàn bông-bông bô-tsîng hái
我的心情啥人了解
guá ê sim-tsîng siánn-lâng liáu-kái
怨嘆痛苦在心內
uàn-thàn thòng-khóo tsāi sim-lāi
我欲忍耐
guá beh jím-nāi
我欲忍耐
guá beh jím-nāi
早日衝出無情海
tsá-ji̍t tshiong-tshut bô-tsîng hái
黃昏的日頭欲落山
hông-hun ê ji̍t-thâu beh lo̍h-suann
海鳥聲聲吼無伴
hái-tsiáu siann-siann háu bô-phuānn
冷風吹來心內寒
líng-hong tshue–lâi sim-lāi kuânn
無疑你咱著來拆散
bô-gî lí lán tio̍h lâi thiah-suànn
日思夜夢恨孤單
ji̍t su iā bāng hūn koo-tuann
我欲按怎
guá beh án-tsuánn
我欲按怎
guá beh án-tsuánn
真情真愛仝心肝
tsin-tsîng tsin-ài kāng sim-kuann
