為你相思
《為你相思》Uī Lí Siunn-si
沈淑惠Sím Sio̍k-huī
——————————————
毋知何時會當來
m̄-tsai hô-sî ē-tàng lâi
將阮相思來化解
tsiong gún siunn-si lâi huà-kái
若是踮在靜靜的寂寞暗暝
nā sī tiàm-tsāi tsīng-tsīng ê tsi̍k-bo̍k àm-mî
引阮來想起彼時
ín gún lâi siūnn-khí hit-sî
啊~阮真思念你
ah~ gún tsin su-liām lí
想起彼時
siūnn-khí hit-sî
也是痛苦也甘甜
iā-sī thòng-khóo iā kam-tinn
你我雙人
lí guá siang-lâng
也有約束永遠毋分離
iā ū iok-sok íng-uán m̄ hun-lî
哪知你放阮孤單
ná tsai lí pàng gún koo-tuann
去做代誌
khì tsuè tāi-tsì
予阮來思念你
hōo gún lâi su-liām lí
睏也睏袂去
khùn iā khùn bē-khì
每日來為你相思
muí-ji̍t lâi uī lí siunn-si
為你相思
uī lí siunn-si
