永遠的思念
《永遠的思念》Íng-uán ê Su-liām
王瑞霞Ông Suī-hâ
——————————————
帶著所有傷心
tuà tio̍h sóo-ū siong-sim
來到這个車站
lâi-kàu tsit ê tshia-tsām
欲帶走的行李
beh tuà-tsáu ê hîng-lí
已經傷過重
í-king siunn-kuè tāng
明知離開會毋甘
bîng-tsai lī-khui ē m̄-kam
就是揣無理由閣等
tiō-sī tshuē-bô lí-iû koh tán
載阮的車幫
tsài gún ê tshia-pang
哪會遐慢
ná ē hiah bān
毋知結束一段感情
m̄-tsai kiat-sok tsi̍t-tuānn kám-tsîng
遮爾簡單
tsiah-nī kán-tan
想欲完全莫閣去想
siūnn-beh uân-tsuân mài koh khì siūnn
遮困難
tsiah khùn-lân
曾經相愛過的人
tsîng-king siong-ài–kuè ê lâng
如今變成永遠的思念
jû-kim piàn-sîng íng-uán ê su-liām
這款的毋願
tsit khuán ê m̄-guān
有啥人袂怨嘆
ū siánn-lâng buē uàn-thàn
就是想袂開放袂開
tsiū-sī siūnn buē-khui pàng buē-khui
離袂開你的身邊
lî buē-khui lí ê sin-pinn
就是遮愛你遮疼你
tsiū-sī tsiah ài lí tsiah thiànn lí
遮想你才來離開
tsiah siūnn lí tsiah lâi lī-khui
相信這陣的伊
siong-sìn tsit-tsūn ê i
已經有家己的春天
í-king ū ka-tī ê tshun-thinn
我只有一張
guá tsí-ū tsi̍t-tiunn
思念的舊相片
su-liām ê kū siòng-phìnn
