新娘衫
《新娘衫》Sin-niû-sann
林美美Lîm Bí-bí
——————————————
冷風拍醒阮的夢
líng-hong phah-tshínn gún ê bāng
世間最戇是我一人
sè-kan tsuè gōng sī guá tsi̍t-lâng
你講叫阮做你的新娘
lí kóng kiò gún tsuè lí ê sin-niû
這句話
tsit kù uē
你怎樣放袂記
lí tsuánn-iūnn pàng-buē-kì
往事莫閣想計較啦
óng-sū mài koh siūnn kè-kàu–lah
約束怎樣放水流
iok-sok tsuánn-iūnn pàng tsuí lâu
歡喜欲來做你的新娘
huann-hí beh lâi tsuè lí ê sin-niû
為何如今滿面憂愁
uī-hô jû-kim muá-bīn iu-tshiû
虛情假愛新娘衫
hi-tsîng ké-ài sin-niû-sann
表面歡喜心內驚
piáu-bīn huann-hí sim-lāi kiann
怎樣喜事變孤單
tsuánn-iūnn hí-sū piàn koo-tuann
毋願承認你變卦
m̄-guān sîng-jīn lí piàn-kuà
虛情假愛新娘衫
hi-tsîng ké-ài sin-niû-sann
穿佇身軀心內疼
tshīng tī sin-khu sim-lāi thiànn
青春美夢攏還我
tshing-tshun bí-bāng lóng hîng guá
目屎哭澹新娘衫
ba̍k-sái khàu tâm sin-niû-sann
