愛無罪
《愛無罪》Ài Bû-tsuē
謝宜君Siā Gî-kun
——————————————
玫瑰花風中徘徊
muî-kuì-hue hong-tiong pâi-huê
你做夢的情話
lí tsuè-bāng ê tsîng-uē
阮無愛欣賞花言
gún bô-ài him-sióng hua-giân
愛毋是得袂著心
ài m̄-sī tit buē-tio̍h sim
你就雄雄改變
lí tiō hiông-hiông kái-piàn
掖出你的個性
iā tshut lí ê kò-sìng
冷冷一眼毀滅
líng-líng it-gán huí-bia̍t
我為你曾經的夢
guá uī lí tsan-king ê bāng
我毋願心有別个
guá m̄-guān sim ū pa̍t-ê
我講過
guá kóng–kuè
一生一世
it-sing it-sè
永遠綴你飛
íng-uán tuè lí pue
我蓋著心寒的被
guá kah tio̍h sim hân ê phuē
我抱著傷心美麗
guá phō tio̍h siong-sim bí-lē
我絕對相信
guá tsua̍t-tuì siong-sìn
愛無罪
ài bû-tsuē
你拍碎曾經的夢
lí phah tshuì tsan-king ê bāng
你怨我好無夠濟
lí uàn guá hó bô-kàu tsuē
你拋開千千萬萬
lí phau-khui tshian-tshian-bān-bān
珍惜的代價
tin-sioh ê tāi-kè
你用盡苦苦哀求
lí iōng-tsīn khóo-khóo ai-kiû
你毋是想欲挽回
lí m̄-sī siūnn-beh bán-huê
你只是面子放袂落
lí tsí-sī bīn-tsú pàng buē-lueh
我從此遠走高飛
guá tsiông-tshú uán-tsáu ko-hui
我求你
guá kiû lí
求你莫相揣
kiû lí mài sio-tshuē
