愛情無分階級
《愛情無分階級》Ài-tsîng Bô-hun Kai-kip
田路路Tiân Lōo-lōo
——————————————
愛情無分階級
ài-tsîng bô-hun kai-kip
門當戶對是封建時代
mn̂g-tong hōo-tuì sī hong-kiàn-sî-tāi
富翁的要求
hù-ong ê iau-kiû
一定著愛少爺娶千金女
it-tīng tio̍h-ài siàu-iâ tshuā tshian-kim-lú
散的人欲近好額
sàn ê lâng bueh kīn hó-gia̍h
彼免想
he bián siūnn
現代化的愛是超水準
hiān-tāi-huà ê ài sī thiau-tsuí-tsún
盲目的愛猶有誰欲接受
bông-bo̍k ê ài iáu-ū siáng bueh tsiap-siū
緣份緣份緣份緣份
iân-hūn iân-hūn iân-hūn iân-hūn
愛是無論年歲
ài sī bô-lūn nî-huè
佮意攏自由
kah-ì lóng tsū-iû
愛情無分階級
ài-tsîng bô-hun kai-kip
但是愛著慎重考慮
tān-sī ài-tio̍h sīn-tiōng khó-lī
千萬毋通任意
tshian-bān m̄-thang jīm-ì
一失足是成千古恨
it sit-tsiok sī sîng tshian-kóo hūn
嫁娶望欲傳囝孫
kè-tshuā bāng-bueh thuân kiánn-sun
散食好額哪著分
sàn-tsia̍h hó-gia̍h ná-tio̍h hun
哪哪著論
ná ná-tio̍h lūn
