心疼
《心疼》Sim Thiànn
王瑞霞Ông Suī-hâ
——————————————
無人的海邊
bô-lâng ê hái-pinn
澀澀的海水味
siap-siap ê hái-tsuí bī
毋知這步若是行落去
m̄-tsai tsit pōo nā sī kiânn–lo̍h-khì
未來是啥物
bī-lâi sī siánn-mih
無雲的天邊
bô hûn ê thinn-pinn
身軀的薰酒味
sin-khu ê hun-tsiú bī
踮阮心內這片濁濁的海
tiàm gún sim-lāi tsit phiàn lô-lô ê hái
怎樣洗清氣
tsuánn-iūnn sé tshing-khì
啊~阮愛伊嘛恨伊
ah~ gún ài i mā hūn i
伊是毋願對阮付出情意
i sī m̄-guān tuì gún hù-tshut tsîng-ì
啊~心疼心疼
ah~ sim thiànn sim thiànn
半暝來佮阮做伴
puànn-mî lâi kah gún tsuè-phuānn
愛只賰一半
ài tsí tshun tsi̍t-puànn
你攏毋知影
lí lóng m̄ tsai-iánn
啊~心疼心疼
ah~ sim thiànn sim thiànn
定定來佮阮做伴
tiānn-tiānn lâi kah gún tsuè-phuānn
愛無到一半
ài bô-kàu tsi̍t-puànn
只有阮知影
tsí-ū gún tsai-iánn
愛無到一半
ài bô-kàu tsi̍t-puànn
恐驚只有阮知影
khióng-kiann tsí-ū gún tsai-iánn
