孫臏佮龐涓
《孫臏佮龐涓》Sun Pīn Kah Pâng Kuan
任珍Jīm-tin
——————————————
嘿嘿嘿啊
heh-heh-heh ah
世間人嘿
sè-kan-lâng–heh
世間人嘿
sè-kan-lâng–heh
千千萬萬無相仝嘿
tshian-tshian-bān-bān bô sio-kāng–heh
痴情女子負心人嘿
tshi-tsîng lú-tsú hū-sim-lâng–heh
忘恩背義狼心漢
bōng-un puē-gī lông-sim-hàn
哎唷!免怨嘆免為難
aih-iooh! bián uàn-thàn bián uî-lân
一樣米飼百樣人嘿
tsi̍t-iūnn bí tshī pah-iūnn lâng–heh
嘿嘿嘿啊
heh-heh-heh ah
人比人嘿
lâng pí lâng–heh
氣死人嘿
khì-sí lâng–heh
孫龐演義教訓人嘿
Sun-Pâng-ián-gī kàu-hùn lâng–heh
寧可救蟲毋救人嘿
lîng-khó kiù thâng m̄ kiù-lâng–heh
恩將仇報仙毋通
un tsiong siû pò sian m̄-thang
哎唷!免怨嘆免為難
aih-iooh! bián uàn-thàn bián uî-lân
知恩報本才是人嘿
ti-un pò-pún tsiah-sī lâng–heh
嘿嘿嘿啊
heh-heh-heh ah
大丈夫嘿
tāi-tiōng-hu–heh
男子漢嘿
lâm-tsú-hàn–heh
人心險惡免怨嘆嘿
jîn-sim hiám-ok bián uàn-thàn–heh
你奸我詐免為難嘿
lí-kan guá-tsà bián uî-lân–heh
人生本是一場夢
jîn-sing pún sī tsi̍t-tiûnn bāng
哎唷!免怨嘆免為難
aih-iooh! bián uàn-thàn bián uî-lân
來來去去總是空嘿
lâi-lâi-khì-khì tsóng–sī khang–heh
到空空嘿啊
kàu khang-khang–heh-ah
