冷暖人生
《冷暖人生》Líng-luán Jîn-sing
沈淑惠Sím Sio̍k-huī
——————————————
為啥物遮爾薄命
uī-siánn-mih tsiah-nī po̍k-bīng
環境作弄阮一生
khuân-kíng tsok-lōng gún it-sing
歹運怎有一場過一場
pháinn-ūn tsuánn ū tsi̍t-tiûnn kuè tsi̍t-tiûnn
暗中目屎滴胸前
àm-tiong ba̍k-sái tih hing-tsîng
有啥人會來同情
ū siánn-lâng ē lâi tông-tsîng
有啥人會來牽成
ū siánn-lâng ē lâi khan-sîng
現實的社會
hiān-si̍t ê siā-huē
冷暖人生
líng-luán jîn-sing
愈想心愈凝
jú siūnn sim jú gîng
雖然阮是一个女性
sui-jiân gún sī tsi̍t-ê lú-sìng
猶原意志也堅定
iu-guân ì-tsì iā kian-tīng
毋驚艱難的前程
m̄-kiann kan-lân ê tsiân-tîng
也會一步又一步
iā ē tsi̍t-pōo iū tsi̍t-pōo
向進前
hiòng tsìn-tsîng
