你無罪我無錯
《你無罪我無錯》Lí Bô Tsuē Guá Bô Tshò
林美美Lîm Bí-bí
——————————————
誤會抑是事實
gōo-huē ia̍h-sī sū-si̍t
虛偽抑是認真
hi-guī ia̍h-sī jīn-tsin
浮出阮的眼前
phû-tshut gún ê gán-tsîng
攏全是稀微
lóng tsuân sī hi-bî
想欲挽回
siūnn-beh bán-huê
早日甜蜜的做伙
tsá-ji̍t tinn-bi̍t ê tsò-hué
已經是攏無機會
í-king sī lóng bô ki-huē
有緣變甲無份
ū-iân piàn kah bô-hūn
傷心又閣傷情
siong-sim iū-koh siong-tsîng
踮在阮的世界
tiàm-tsāi gún ê sè-kài
只有是悲哀
tsí-ū sī pi-ai
講出再會
kóng-tshut tsài-huē
哪通閣再想遐濟
ná thang koh-tsài siūnn hiah tsuē
往事用後世才來揣
óng-sū iōng āu-sè tsiah lâi tshuē
對你的情佮你的愛
tuì lí ê tsîng kah lí ê ài
只有暗暗嘆無奈
tsí-ū àm-àm thàn bô-nāi
有身軀無靈魂
ū sin-khu bô lîng-hûn
這種結局有較䆀
tsit tsióng kiat-kio̍k ū khah bái
你的笑你的哭
lí ê tshiò lí ê khàu
你的天真佮形蹤
lí ê thian-tsin kah hîng-tsong
永遠留踮在阮的腦中
íng-uán lâu tiàm-tsāi gún ê náu-tiong
將咱的情佮咱的愛
tsiong lán ê tsîng kah lán ê ài
攏總拋落大海
lóng-tsóng phau-lo̍h tuā-hái
有美麗有滄桑
ū bí-lē ū tshong-song
化做一句的保重
huà-tsuè tsi̍t-kù ê pó-tiōng
你無罪我無錯
lí bô tsuē guá bô tshò
只是命運來作弄
tsí-sī miā-ūn lâi tsok-lōng
這是天公
tse sī thinn-kong
予咱嚴重的創傷
hōo lán giâm-tiōng ê tshong-siong
