聽我講一下
《聽我講一下》Thiann Guá Kóng–tsi̍t-ē
劉佳林Lâu Ka-lîm
——————————————
你聽我講一句話
lí thiann guá kóng tsi̍t-kù uē
跤步踏差啥人袂
kha-pōo ta̍h-tsha siánn-lâng buē
若是錯誤閣執迷
nā sī tshò-gōo koh tsip-bê
留著歹名人怨慼
lâu tio̍h pháinn-miâ lâng uàn-tsheh
趁著青春少年家
thàn tio̍h tshing-tshun siàu-liân-ke
做人做事著實際
tsuè-lâng tsuè-sū tio̍h si̍t-tsè
毋通做錯才反悔
m̄-thang tsuè-tshò tsiah huán-hué
耽誤一生不再回
tam-gōo it-sing put-tsài huê
死忠的鬥陣無幾个
sí-tiong–ê tàu-tīn bô kuí-ê
你著聽我講一下
lí tio̍h thiann guá kóng–tsi̍t-ē
從今工課認真做
tsiông-kim khang-khuè jīn-tsin tsuè
光明前途是咱的
kong-bîng tsiân-tôo sī lán ê