翁某仝心
《翁某仝心》Ang-bóo kāng-sim
林良歡Lîm Liông-huan
——————————————
天猶未光
thinn iáu-buē kng
陪你行出咱家門
puê lí kiânn-tshut lán ka-mn̂g
寬寬仔收著酒矸算三頓
khuann-khuann-á siu-tio̍h tsiú-kan sǹg sann-tǹg
繁華的夜燈
huân-huâ ê iā-ting
漸漸咧歇睏
tsiām-tsiām teh hioh-khùn
親像咧安慰我
tshin-tshiūnn teh an-uì guá
翁某仝心過暝長
ang-bóo kāng-sim kuè mî tn̂g
有酒矸酒矸通賣無
ū tsiú-kan tsiú-kan thang buē–bô
問籠底的路何時歇
mn̄g láng-té ê lōo hô-sî hioh
雙手凍風霜
siang-tshiú tàng hong-sng
天也無同情
thinn iā bô tông-tsîng
較苦我也甘願陪你吞
khah khóo guá iā kam-guān puê lí thun
有酒矸酒矸通賣無
ū tsiú-kan tsiú-kan thang buē–bô
花容暫落
hua-iông tsiām lo̍h
身份啥人惜
sin-hūn siánn-lâng sioh
若有溫暖的三頓
nā ū un-luán ê sann-tǹg
就算冷甲過暝酸
tiō-sǹg líng kah kuè mî sng
一生綴你到老的身魂
it-sing tuè lí kàu lāu ê sin-hûn
