無情
《無情》Bô-tsîng
洪玲Âng Lîng
——————————————
身邊的人毋是你
sin-pinn ê lâng m̄-sī lí
過去的往事又想起
kuè-khì ê óng-sū iū siūnn-khí
你講三心兩意的人
lí kóng sam-sim lióng-ì ê lâng
總有浪子回頭的一工
tsóng ū lōng-tsú huê-thâu ê tsi̍t-kang
為你日思夜夢
uī lí ji̍t-su iā-bāng
煞來予阮等無人
suah lâi hōo gún tán-bô lâng
想欲堅心將你放袂記
siūnn-beh kian-sim tsiong lí pàng-buē-kì
無奈鬥陣的人是伊
bô-nāi tàu-tīn ê lâng sī i
人講茫茫渺渺的大海
lâng kóng bông-bông-biáu-biáu ê tuā-hái
總有孤帆回航的一工
tsóng ū koo-phâng huê-hâng ê tsi̍t-kang
為你枉費阮的青春
uī lí óng-huì gún ê tshing-tshun
哪知全然是一場夢
ná tsai tsuân-jiân sī tsi̍t-tiûnn bāng
無情的人風流痴迷
bô-tsîng ê lâng hong-liû tshi-bê
為情為愛會當看破一切
uī tsîng uī ài ē-tàng khuànn-phuà it-tshè
就算是千言萬語
tiō-sǹg-sī tshian-giân bān-gí
嘛袂當挽回
mā buē-tàng bán-huê
有情的人
ū-tsîng ê lâng
總是為著無情的人
tsóng-sī uī-tio̍h bô-tsîng ê lâng
付出一切
hù-tshut it-tshè
為你愛是一生一世
uī lí ài sī it-sing tsi̍t-sè
嘛袂後悔
mā buē hiō-hué
