母親我袂予你失望
《母親我袂予你失望》Bú-tshin Guá Buē Hōo Lí Sit-bāng
吳秀珠Ngôo Siù-tsu
——————————————
人生光明的前途
jîn-sing kong-bîng ê tsiân-tôo
啥人無希望
siánn-lâng bô hi-bāng
趁錢也著時機
thàn-tsînn iā tio̍h sî-ki
精差緊佮慢
tsing-tsha kín kah bān
母親母親
bú-tshin bú-tshin
請你毋通操煩
tshiánn lí m̄-thang tshau-huân
我有一工
guá ū tsi̍t-kang
總會輕鬆
tsóng ē khin-sang
有孝恁序大人
iú-hàu lín sī-tuā-lâng
成功並非三五冬
sîng-kong pīng-hui sann-gōo tang
所想的遐簡單
sóo siūnn–ê hiah kán-tan
望恁身體平安
bāng lín sin-thé pîng-an
我袂予你失望
guá buē hōo lí sit-bāng
