失落的戀情
《失落的戀情》Sit-lo̍h ê Luân-tsîng
劉佳林Lâu Ka-lîm
——————————————
像天青青的戀情
tshiūnn thinn tshinn-tshinn ê luân-tsîng
總是叫阮毋甘放
tsóng–sī kiò gún m̄-kam pàng
像海深深的情義
tshiūnn hái tshim-tshim ê tsîng-gī
總是予阮來難忘
tsóng–sī hōo gún lâi lân-bōng
雖然錯誤的誤會
sui-jiân tshò-gōo ê gōo-huē
引起咱來相怨
ín-khí lán lâi siong-uàn
雖然不幸的命運
sui-jiân put-hīng ê miā-ūn
將著咱來拆散
tsiong tio̍h lán lâi thiah-suànn
但是我的愛我的情
tān-sī guá ê ài guá ê tsîng
親像天的青
tshin-tshiūnn thinn ê tshinn
海的深
hái ê tshim
生生世世所愛
sing-sing sè-sè sóo ài
也是你一人
iā-sī lí tsi̍t-lâng
啊~心所愛的
ah~ sim sóo ài–ê
女人的目屎
lú lâng ê ba̍k-sái
滴滴攏是為著愛
tih-tih lóng-sī uī tio̍h-ài
