你的路我的夢
《你的路我的夢》Lí ê Lōo Guá ê Bāng
洪玲Âng Lîng
——————————————
有情有夢
ū tsîng ū bāng
是咱付出感情的希望
sī lán hù-tshut kám-tsîng ê hi-bāng
你著愛
lí tio̍h-ài
好好疼惜你身邊的人
hó-hó thiànn-sioh lí sin-pinn ê lâng
無情若茫
bô tsîng nā bâng
愛人親像花蕊採花蜂
ài-jîn tshin-tshiūnn hue-luí tshái-hue-phang
分開佮心疼是無仝款
hun-khui kah sim thiànn sī bô kāng-khuán
緣份若是空
iân-hūn nā-sī khang
是咱的感情無夠重
sī lán ê kám-tsîng bô-kàu tāng
你袂使怨嘆著你身邊的人
lí buē-sái uàn-thàn tio̍h lí sin-pinn ê lâng
等到有一工
tán-kàu ū-tsi̍t-kang
愛人予別人來相送
ài-jîn hōo pa̍t-lâng lâi sio-sàng
才來後悔
tsiah lâi hiō-hué
想欲挽回是通抑毋通
siūnn-beh bán-huê sī thang ia̍h m̄-thang
啊~你的路我的夢攏無仝
ah~ lí ê lōo guá ê bāng lóng bô-kāng
阮的人生路途
gún ê jîn-sing lōo-tôo
怎樣行會完
tsuánn-iūnn kiânn ē uân
相愛變成互相來怨嘆
siong-ài piàn-sîng hōo-siong lâi uàn-thàn
敢講阮的情路遮爾烏暗
kám-kóng gún ê tsîng-lōo tsiah-nī oo-àm
你的路我的夢攏仝款
lí ê lōo guá ê bāng lóng kāng-khuán
歹行的人生路途
pháinn-kiânn ê jîn-sing lōo-tôo
嘛會有希望
mā ē ū hi-bāng
阮的愛情
gún ê ài-tsîng
怎樣可能有別人
tsuánn-iūnn khó-lîng ū pa̍t-lâng
