Nothing Is Real
《Nothing Is Real》
江惠儀Kang Huī-gî
——————————————
啊啥物方向
ah siánn-mih hong-hiòng
愛踏著啥物款的跤步
ài ta̍h-tio̍h siánn-mih khuán ê kha-pōo
啊啥物角度
ah siánn-mih kak-tōo
愛用著啥物款的速度
ài iōng-tio̍h siánn-mih khuán ê sok-tōo
啊啥物動作
ah siánn-mih tōng-tsok
著配合啥物款的招呼
tio̍h phuè-ha̍p siánn-mih khuán ê tsio-hoo
按怎設計
án-tsuánn siat-kè
啊才會有路用
ah tsiah ē ū lōo-iōng
啊啥物錯誤
ah siánn-mih tshò-gōo
敢換有啥物款的成長
kám uānn ū siánn-mih khuán ê sîng-tióng
啊啥物煩惱
ah siánn-mih huân-ló
敢是有啥物款的理想
kám-sī ū siánn-mih khuán ê lí siūnn
啊啥物起落
ah siánn-mih khí-lo̍h
敢攏有啥物款的風雨
kám lóng ū siánn-mih khuán ê hong-hōo
總是逐項攏無照步數
tsóng–sī ta̍k-hāng lóng bô tsiàu pōo-sòo
oh~若是Nothing is real
oh~ nā sī Nothing is real
是甜抑是苦
sī tinn ia̍h-sī khóo
攏是過往
lóng-sī kuè-óng
若是Nothing is real
nā sī Nothing is real
是你抑是我
sī lí ia̍h-sī guá
攏是過路
lóng-sī kuè-lōo
若是Nothing is real
nā sī Nothing is real
是愛抑是恨
sī ài ia̍h-sī hūn
攏是感想
lóng-sī kám-sióng
若是Nothing is real
nā sī Nothing is real
Oh! Nothing is real
啊啥物約束
ah siánn-mih iok-sok
是為著啥物款的當初
sī uī-tio̍h siánn-mih khuán ê tong-tshoo
啊啥物倚靠
ah siánn-mih uá-khò
就伴著啥物款的寂寞
tiō phuānn tio̍h siánn-mih khuán ê tsi̍k-bo̍k
啊啥物堅強
siánn-mih kian-kiông
掩崁著啥物款的軟弱
am-khàm tio̍h siánn-mih khuán ê luán-jio̍k
無人應該要緊我的傷
bô-lâng ing-kai iàu-kín guá ê siong
oh~因為Nothing is real
oh~ in-uī Nothing is real
是甜抑是苦
sī tinn ia̍h-sī khóo
只是過往
tsí-sī kuè-óng
因為Nothing is real
in-uī Nothing is real
是你抑是我
sī lí ia̍h-sī guá
只是過路
tsí-sī kuè-lōo
因為Nothing is real
in-uī Nothing is real
是愛抑是恨
sī ài ia̍h-sī hūn
只賰感想
tsí tshun kám-sióng
因為Nothing is real
in-uī Nothing is real
Oh! Nothing is real
Nothing is real
是好抑是䆀
sī hó ia̍h-sī bái
不過是平常
put-kò sī pîng-siông
Nothing is real
是有抑是無
sī ū ia̍h-sī bô
有啥放袂落
ū siánn pàng buē-lo̍h
Nothing is real
過去佮未來
kuè-khì kah bī-lâi
無地參考
bô-tè tsham-khó
Nothing is real
欲悾抑是戇
bueh khong ia̍h-sī gōng
總會有覺悟
tsóng ē ū kak-ngōo
啥物痛苦
siánn-mih thòng-khóo
是有過啥物款的幸福
sī ū kuè siánn-mih khuán ê hīng-hok
啥物迷茫
siánn-mih bê-bông
等待著啥物款的清楚
tán-thāi tio̍h siánn-mih khuán ê tshing-tshó
Nothing is real
Nothing is real
啥物攏好
siánn-mih lóng hó
啥物攏無
siánn-mih lóng bô
