騙我騙到死
《騙我騙到死》Phiàn Guá Phiàn Kàu Sí
林美秀Lîm Bí-siù
——————————————
遮爾仔甜
tsiah-nī-á tinn
一啖就飛上天
tsi̍t-tam tiō pue tsiūnn-thian
你著毋通失電
lí tio̍h m̄-thang sit-tiān
毋通落氣
m̄-thang làu-khuì
一若陷眠
tsi̍t-nā hām-bîn
插汰伊假抑真
tshap-thài i ké ia̍h tsin
笑笑講你夭壽
tshiò-tshiò kóng lí iáu-siū
心已經歹精神
sim í-king pháinn tsing-sîn
你著愛騙我騙到死
lí tio̍h-ài phiàn guá phiàn kah sí
講我是妖姬仙女
kóng-guá sī iau-ki sian-lí
愛我規千萬年
ài guá kui-tshian-bān nî
欲騙著騙我騙到死
beh phiàn tio̍h phiàn guá phiàn kah sí
愛將我騙到戇面
ài tsiong guá phiàn kah gōng-bīn
騙到昏昏去
phiàn kah hūn-hūn–khì
無暝無日
bô-mê-bô-ji̍t
