顫抖的探戈
《顫抖的探戈》
林清國Lîm Tshing-kok
——————————————
離開已經兩三年
lī-khui í-king nn̄g-sann nî
心內猶原想著你
sim-lāi iu-guân siūnn-tio̍h lí
彼當時你咱的情蜜甜
hit-tong-sî lí lán ê tsîng bi̍t-tinn
為啥物變心來離開
uī-siánn-mih piàn-sim lâi lī-khui
一陣風雨的聲音
tsi̍t-tsūn hong-hōo ê siann-im
引阮心頭交懍恂
ín gún sim-thâu ka-nńg-sún
偏偏天公毋保庇
phian-phian thinn-kong m̄ pó-pì
敢是命運來創治
kám-sī miā-ūn lâi tshòng-tī
怨嘆自己的命運䆀
uàn-thàn tsū-kí ê miā-ūn bái
才會予你騙毋知
tsiah-ē hōo lí phiàn m̄-tsai
如今欲哭無目屎
jû-kim beh khàu bô ba̍k-sái
我嘛毋敢講出來
guá mā m̄-kánn kóng–tshut-lâi
男性不應該
lâm-sìng put-ing-kai
時常為情來阻礙
sî-siông uī tsîng lâi tsóo-gāi
總有一工你會知
tsóng ū-tsi̍t-kang lí ē tsai
感情毋通隨便來
kám-tsîng m̄-thang suî-piān lâi
冬天過了春天來
tang-thinn kuè-liáu tshun-thinn lâi
只有重新閣再來
tsí-ū tiông-sin koh-tsài lâi
拍拚事業做予在
phah-piànn sū-gia̍p tsuè hōo tsāi
對自己才有交代
tuì tsū-kí tsiah ū kau-tài
