煞煞去
《煞煞去》Suah-suah Khì
林清國Lîm Tshing-kok
——————————————
你講啥物話
lí kóng siánn-mih uē
煞煞去
suah-suah khì
毋是我對你無佮意
m̄-sī guá tuì lí bô kah-ì
是你做人無誠意
sī lí tsuè-lâng bô sîng-ì
講啥物未來佮過去
kóng siánn-mih bī-lâi kah kuè-khì
就是無講我佮你
tsiú-sī bô kóng guá kah lí
煞煞去閣煞煞去
suah-suah khì koh suah-suah khì
從今以後
tsiông-kim í-āu
毋通膏膏纏
m̄-thang ko-ko tînn
用心計較對你好
iōng-sim kè-kàu tuì lí hó
哪會知你嫌我囉嗦
ná-ē tsai lí hiâm guá lo-so
你閣對我講莫受氣
lí koh tuì guá kóng mài siūnn-khì
毋免計較我佮你
m̄-bián kè-kàu guá kah lí
毋免做人𠢕受氣
m̄-bián tsuè-lâng gâu siūnn-khì
彼款的言語講會出喙
hit khuán ê giân-gí kóng ē tshut-tshuì
過去一切莫提起
kuè-khì it-tshè mài thê-khí
