有時星光有時月光
《有時星光有時月光》Ū-sî Tshinn Kng Ū-sî Gue̍h Kng
楊宗憲Iûnn Tsong-hiàn
——————————————
現代的社會
hiān-tāi ê siā-huē
拚甲真厲害
piànn kah tsin lī-hāi
偏偏我的環境
phian-phian guá ê khuân-kíng
又閣遮爾䆀
iū-koh tsiah-nī bái
予人喝來喝去
hōo-lâng huah-lâi-huah-khì
真戇呆
tsin gōng-tai
有時欲哭無目屎
ū-sî bueh khàu bô ba̍k-sái
欲來去走天涯
beh lâi-khì tsáu thian-gâi
欲來去拚看覓
beh lâi-khì piànn khuànn-māi
拚看覓
piànn khuànn-māi
拚看覓
piànn khuànn-māi
無拚哪會知
bô piànn ná ē tsai
有時星光有時月光
ū-sî tshinn kng ū-sî gue̍h kng
有一工會予人知
ū tsi̍t-kang ē hōo-lâng tsai
我欲比別人閣較厲害
guá beh pí pa̍t-lâng koh-khah lī-hāi
