愛情路
《愛情路》Ài-tsîng-lōo
蔡冠宏Tshuà Kuàn-hông
——————————————
無情的一場春夢
bô-tsîng ê tsi̍t-tiûnn tshun-bāng
已經覺醒
í-king kak-tshínn
阮現在毋敢對你
gún hiān tsāi m̄-kánn tuì lí
有所希祈
ū-sóo hi-kî
只要你毋通袂記
tsí-iàu lí m̄-thang buē-kì
過去咱熱戀的日子
kuè-khì lán jia̍t-luân ê ji̍t-tsí
人講愛情酸苦味
lâng kóng ài-tsîng sng-khóo-bī
阮也知滋味
gún iā tsai tsu-bī
毋願將你放袂記
m̄-guān tsiong lí pàng-buē-kì
因為我愛你
in-uī guá ài lí
雖然你毋願佮阮來做堆
sui-jiân lí m̄-guān kah gún lâi tsuè-tui
阮也願祝你
gún iā guān tsiok lí
愛情順利
ài-tsîng sūn-lī
無情的一陣春風
bô-tsîng ê tsi̍t-tīn tshun-hong
帶來春雨
tuà-lâi tshun-hōo
將阮的一場春夢
tsiong gún ê tsi̍t-tiûnn tshun-bāng
淋甲澹糊糊
lâm kah tâm-kôo-kôo
愛情路阮無撇步
ài-tsîng-lōo gún bô phiat-pōo
彼毋是阮糊塗
he m̄-sī gún hôo-tôo
只是為著你前途
tsí-sī uī-tio̍h lí tsiân-tôo
甘願為情苦
kam-guān uī tsîng khóo
只要你過著幸福
tsí-iàu lí kuè tio̍h hīng-hok
阮也會快樂
gún iā ē khuài-lo̍k
希望你毋通當做阮糊塗
hi-bāng lí m̄-thang tòng-tsuè gún hôo-tôo
為著你幸福
uī-tio̍h lí hīng-hok
阮無變步
gún bô piàn-pōo
