思君
《思君》Su Kun
黃克林N̂g Khik-lîm
——————————————
想起舊年的秋天
siūnn-khí kū-nî ê tshiu-thinn
佮阮踮遮來離開
kah gún tiàm tsia lâi lī-khui
你有再三來表示
lí ū tsài-sann lâi piáu-sī
離別是暫時
lî-pia̍t sī tsiām-sî
阮也深深相信你
gún iā tshim-tshim siong-sìn lí
假使郎君
khá-sú lông-kun
踮在他鄉不如意
tiàm-tsāi thann-hiong put-jû-ì
阮猶原袂來怪你
gún iu-guân buē lâi kuài lí
只要有你在身邊
tsí-iàu ū lí tsāi sin-pinn
榮華富貴願拋棄
îng-huâ hù-kuì guān phau-khì
希望郎君了解阮心意
hi-bāng lông-kun liáu-kái gún sim-ì
毋通放阮空相思
m̄-thang pàng gún khang siunn-si
