心愛你著忍耐
《心愛你著忍耐》Sim-ài Lí Tio̍h Jím-nāi
今冠陵Kim Kuàn-lîng
——————————————
毋是對你無情無愛
m̄-sī tuì lí bô-tsîng-bô-ài
無奈環境阻礙
bô-nāi khuân-kíng tsóo-gāi
今夜相隨
kim-iā sio-suî
暗風sǹg-sǹg來
àm hong sǹg-sǹg lâi
心中暗暗帶悲哀
sim-tiong àm-àm tài pi-ai
心愛的人
sim-ài ê lâng
你著忍耐
lí tio̍h jím-nāi
雖然目屎吞腹內
sui-jiân ba̍k-sái thun pak-lāi
海水一波一波來
hái-tsuí tsi̍t-pho tsi̍t-pho lâi
我會趕緊倒轉來
guá ē kuánn-kín tò-tńg–lâi
雖然心甘雖然意願
sui-jiân sim kam sui-jiân ì guān
心內猶原苦嘆
sim-lāi iu-guân khóo-thàn
今夜分離
kim-iā hun-lî
月色暗淡淡
gue̍h-sik àm-tām-tām
路燈伴著咱兩人
lōo-ting phuānn tio̍h lán nn̄g-lâng
心愛的人
sim-ài ê lâng
毋通怨嘆
m̄-thang uàn-thàn
毋通閣再目箍紅
m̄-thang koh-tsài ba̍k-khoo âng
雖然我是出外人
sui-jiân guá sī tshut-guā-lâng
猶原真心來疼痛
iu-guân tsin-sim lâi thiànn-thàng
