小雨哪落袂離
《小雨哪落袂離》Sió-hōo Ná Lo̍h Buē-lī
蔡冠宏Tshuà Kuàn-hông
——————————————
濛濛小雨落袂停
bông-bông sió-hōo lo̍h buē-thîng
引我想起彼段情
ín guá siūnn-khí hit tuānn tsîng
難忘對你相思
lân-bōng tuì lí siunn-si
難忘你叮嚀
lân-bōng lí ting-lîng
何時何日佮你同行
hô-sî hô-ji̍t kah lí tông-hîng
我毋驚雨水無情
guá m̄-kiann hōo-tsuí bô-tsîng
更毋驚遙遠路程
kìng m̄-kiann iâu-uán lōo-tîng
只驚你對我冷冰冰
tsí kiann lí tuì guá líng-ping-ping
毋管天邊海角
m̄-kuán thinn-pinn hái-kak
我等你共度一生
guá tán lí kiōng-tōo it-sing
濛濛小雨落袂離
bông-bông sió-hōo lo̍h buē-lī
引我想起彼當時
ín guá siūnn-khí hit-tong-sî
彼當時咱雙人
hit-tong-sî lán siang-lâng
情深意綿綿
tsîng tshim ì mî-mî
毋知如今你佗位去
m̄-tsai jû-kim lí tó-uī khì
我來到過去港邊
guá-lâi kàu kuè-khì káng-pinn
想起著初戀情意
siūnn-khí tio̍h tshoo-luân tsîng-ì
彼段情漂流像海水
hit tuānn tsîng phiau-liû tshiūnn hái-tsuí
毋管天邊海角
m̄-kuán thinn-pinn hái-kak
永遠佮你毋分開
íng-uán kah lí m̄ hun-khui
