天涯赤子心
《天涯赤子心》Thian-gâi Tshik-tsú Sim
黃克林N̂g Khik-lîm
——————————————
啊~故鄉爸爸媽媽唷
ah~ kòo-hiong pá-pah má-mah–iooh
身體毋知有勇健無
sin-thé m̄-tsai ū ióng-kiānn–bô
想著過去的日子
siūnn-tio̍h kè-khì ê ji̍t-tsí
加添阮的心內的稀微
ka-thiam gún ê sim-lāi ê hi-bî
引阮目屎來流袂離
ín gún ba̍k-sái lâi lâu buē-lī
爸爸唷
pá-pah–iooh
家中一切
ka-tiong it-tshè
向望你來照顧
ǹg-bāng lí lâi tsiàu-kòo
媽媽唷
má-mah–iooh
你著愛保重自己
lí tio̍h-ài pó-tiōng tsū-kí
阮會聽你的教示
gún ē thiann lí ê kà-sī
踮在他鄉拍拚做代誌
tiàm-tsāi thann-hiong phah-piànn tsuè tāi-tsì
無論啥物困難
bô-lūn siánn-mih khùn-lân
無論啥物艱苦
bô-lūn siánn-mih kan-khóo
阮也一定提出勇氣
gún iā it-tīng the̍h tshut ióng-khì
為前途拍拚
uī tsiân-tôo phah-piànn
早日轉鄉里
tsá-ji̍t tńg hiong-lí
