出外著拍拚
《出外著拍拚》Tshut-guā Tio̍h Phah-piànn
今冠陵Kim Kuàn-lîng
——————————————
日頭漸漸咧欲落山去
ji̍t-thâu tsiām-tsiām tih-bueh lo̍h-suann–khì
鳥隻規群飛轉去
tsiáu-tsiah kui-kûn pue tńg–khì
黃昏夕陽雖然媠
hông-hun si̍k-iông sui-jiân suí
也是孤單嘆稀微
iā-sī koo-tuann thàn hi-bî
想起故鄉年老爸母
siūnn-khí kòo-hiong nî-lāu pē-bú
毋知怎樣咧過日
m̄-tsai tsuánn-iūnn teh kuè-ji̍t
每日憂悶在心內
muí-ji̍t iu-būn tsāi sim-lāi
袂當有孝你身邊
buē-tàng iú-hàu lí sin-pinn
離開故鄉
lī-khui kòo-hiong
出外去拍拚
tshut-guā khì phah-piànn
總是為著好前程
tsóng–sī uī-tio̍h hó tsiân-tîng
出外的時爸母交代
tshut-guā ê sî pē-bú kau-tài
一切自己愛細膩
it-tshè tsū-kí ài sè-jī
歷盡滄桑
li̍k-tsīn tshong-song
認真拍拚
jīn-tsin phah-piànn
將來才有好名聲
tsiong-lâi tsiah ū hó miâ-siann
等我成功倒轉來
tán guá sîng-kong tò-tńg–lâi
永遠有孝你身邊
íng-uán iú-hàu lí sin-pinn
