今夜月圓閣想你
《今夜月圓閣想你》Kim-iā Gue̍h-înn Koh Siūnn Lí
蔡以真Tshuà Í-tsin(蔡麗津Tshuà Lē-tin)
——————————————
難忘的所在
lân-bōng ê sóo-tsāi
孤單心稀微
koo-tuann sim hi-bî
徘徊在夜港邊
pâi-huê tsāi iā-káng pinn
今夜的月藏水沬
kim-iā ê gue̍h tshàng-tsuí-bī
月影引阮思念你
gue̍h-iánn ín gún su-liām lí
海風悽悽
hái-hong tshi-tshi
吹著阮單身薄衣
tshue tio̍h gún tuann-sin po̍h-i
海湧合奏聲
hái-íng ha̍p-tsàu siann
吼哀啼
háu ai-thî
親像怨嘆等你
tshin-tshiūnn uàn-thàn tán lí
無消無息
bô-siau-bô-sit
離開已經七八年
lī-khui í-king tshit-pueh nî
無情的人
bô-tsîng ê lâng
放捒阮情離離
pàng-sak gún tsîng lī-lī
今夜月圓閣想你
kim-iā gue̍h-înn koh siūnn lí
