風雨飄飄
《風雨飄飄》Hong-ú Phiau-phiau
楚為仁Tshóo Uî-jîn
——————————————
↓↓(口白)—(口白)—(口白)↓↓
細漢流浪他鄉
suè-hàn liû-lōng thann-hiong
為著朋友
uī-tio̍h pîng-iú
為著義氣
uī-tio̍h gī-khì
在江湖走跳
tsāi kang-ôo tsáu-thiàu
內籬仔阮嘛屈過
lāi-lî-á gún mā khut–kuè
社會大學阮嘛讀透透
siā-huē tāi-ha̍k gún mā tha̍k thàu-thàu
阮嘛知影愛拚才會出頭
gún mā tsai-iánn ài piànn tsiah ē tshut-thâu
誰知環境迫阮著閣翻頭
siáng tsai khuân-kíng pik gún tio̍h koh huan-thâu
反悔總在覺悟了後
huán-hué tsóng tsāi kak-ngōo liáu-āu
啊!命運
ah! miā-ūn
命運啦
miā-ūn–lah
較苦阮也一定欲拚
khah-khóo gún iā it-tīng beh piànn
一定欲成功予人看啦
it-tīng beh sîng-kong hōo-lâng khuànn–lah
漢隆兄
Hàn-liông hiann
漢隆兄
Hàn-liông hiann
↑↑(口白)—(口白)—(口白)↑↑
細漢漂流他鄉走萬里
suè-hàn phiau-liû thann-hiong tsáu bān-lí
行俠仗義你我攏鬥陣
hîng-kiap tiōng-gī lí guá lóng tàu-tīn
無論單挑抑是捙拚陣
bô-lūn tan-thiau ia̍h-sī tshia-piànn-tīn
總是道理講進前
tsóng-sī tō-lí kóng tsìn-tsîng
刀聲劍影伴阮過日子
to-siann kiàm-iánn phuānn gún kuè ji̍t-tsí
𨑨迌人有時也會流珠淚
thit-thô-lâng ū-sî iā ē lâu tsu-luī
墜落江湖毋是阮故意
tuī-lo̍h kang-ôo m̄-sī gún kòo-ì
毋通講阮無情義
m̄-thang kóng gún bô tsîng-gī
想起故鄉母親佮妻兒
siūnn-khí kòo-hiong bú-tshin kah tshe-jî
啊~心肝好比火滾水
ah~ sim-kuann hó-pí hué kún tsuí
扁擔至尊也是會輸去
pín-tann tsì-tsun iā-sī ē su–khì
蓋世英雄也是有了時
kài-sè ing-hiông iā-sī ū-liáu-sî
