阮嘛想欲做好囝
《阮嘛想欲做好囝》Gún Mā Siūnn-beh Tsuè Hó-kiánn
高向鵬Ko Hiòng-phîng
——————————————
烏暗的社會歹名聲
oo-àm ê siā-huē pháinn miâ-siann
偏偏人講阮毋聽
phian-phian lâng kóng gún m̄ thiann
才會墜落烏暗城
tsiah ē tuī-lo̍h oo-àm-siânn
如今後悔心痛疼
jû-kim hiō-hué sim thàng-thiànn
想欲改過
siūnn-bueh kái-kò
啥人知影
siánn-lâng tsai-iánn
啥人了解阮心情
siánn-lâng liáu-kái gún sim-tsiânn
啊~浪子嘛有想欲做好囝
ah~ lōng-tsú mā ū siūnn-bueh tsuè hó-kiánn
浪子回頭求名聲
lōng-tsú huê-thâu kiû miâ-siann
希望心愛你知影
hi-bāng sim-ài lí tsai-iánn
毋是阮愛做歹囝
m̄-sī gún ài tsuè pháinn-kiánn
𨑨迌總是歹名聲
tshit-thô tsóng–sī pháinn miâ-siann
阮欲改過陪你行
gún bueh kái-kò puê lí kiânn
毋閣做歹予你驚
m̄ koh tsuè-pháinn hōo lí kiann
啊~浪子嘛有想欲做好囝
ah~ lōng-tsú mā ū siūnn-bueh tsuè hó-kiánn
