都市的月娘
《都市的月娘》Too-tshī ê Gue̍h-niû
黃思婷N̂g Su-tîng
——————————————
冷冷的暗暝
líng-líng ê àm-mî
冷冷的玫瑰
líng-líng ê muî-kuì
冷冷的消息
líng-líng ê siau-sit
對阮有啥意義
tuì gún ū siánn ì-gī
無需要搬戲
bô su-iàu puann-hì
無需要安慰
bô su-iàu an-uì
阮已經決定成全你
gún í-king kuat-tīng sîng-tsuân lí
咱雙雙對對
lán siang-siang-tuì-tuì
咱歡歡喜喜
lán huann-huann-hí-hí
咱來來去去
lán lâi-lâi-khì-khì
也是一片稀微
iā-sī tsi̍t-phiàn hi-bî
無需要懷疑
bô su-iàu huâi-gî
無需要傷悲
bô su-iàu siong-pi
無需要閣予阮想起你
bô su-iàu koh hōo gún siūnn-khí lí
都市的月娘笑微微
too-tshī ê ge̍h-niû tshiò bi-bi
毋知伊初戀啥物滋味
m̄-tsai i tshoo-luân siánn-mih tsu-bī
愛偌厲害
ài guā lī-hāi
請你愛予阮知
tshiánn lí ài hōo gún tsai
請你愛介紹予阮熟似
tshiánn lí ài kài-siāu hōo gún si̍k-sāi
愛偌可愛
ài guā khó-ài
請你愛予阮知
tshiánn lí ài hōo gún tsai
請你愛相信阮的無奈
tshiánn lí ài siong-sìn gún ê bô-nāi
