苦海母子淚
《苦海母子淚》Khóo-hái Bú-tsú Luī
于林真Î Lîm-tsin
——————————————
燈紅酒綠的世界
ting-âng-tsiú-li̍k ê sè-kài
喝拳啉酒笑咍咍
huah-kûn lim-tsiú tshiò-hai-hai
阮是環境來安排
gún sī khuân-kíng lâi an-pâi
喙笑目屎吞腹內
tshuì tshiò ba̍k-sái thun pak-lāi
啥人對阮會了解
siánn-lâng tuì gún ē liáu-kái
欲來救阮出苦海
beh lâi kiù gún tshut khóo-hái
啊~有誰來了解
ah~ ū siáng lâi liáu-kái
欲來救阮出苦海
beh lâi kiù gún tshut khóo-hái
自從佮你來相愛
tsū-tsiông kah lí lâi siong-ài
春天過了結珠胎
tshun-thinn kuè-liáu kiat tsu-thai
可惜別人的翁婿
khó-sioh pa̍t-lâng ê ang-sài
細囝出世無人愛
suè-kiánn tshut-sì bô-lâng ài
害阮暗暗流目屎
hāi gún àm-àm lâu ba̍k-sái
苦海母囝命遮歹
khóo-hái bú-kiánn miā tsiah phái
啊~母囝命遮歹
ah~ bú-kiánn miā tsiah phái
苦海母囝命遮歹
khóo-hái bú-kiánn miā tsiah phái
