相逢鴛鴦橋
《相逢鴛鴦橋》Siong-hông Uan-iunn-kiô
于林真Î Lîm-tsin
——————————————
山明水秀的橋邊
san-bîng tsuí-siù ê kiô-pinn
溪水悠悠好景緻
khue-tsuí iu-iu hó kíng-tì
成雙成對白翎鷥
sîng-siang sîng-tuì pe̍h-līng-si
一隻一隻咧食魚
tsi̍t-tsiah-tsi̍t-tsiah teh tsia̍h hî
想起舊情心哀悲
siūnn-khí kū-tsîng sim ai-pi
鴛鴦橋頂熟似你
uan-iunn-kiô tíng si̍k-sāi lí
一見鍾情愛著你
it-kiàn tsiong-tsîng ài-tio̍h lí
無疑放阮做你去
bô-gî pàng gún tsuè lí khì
啊~薄情郎
ah~ po̍k-tsîng-lông
你的良心在哪裡
lí ê liông sim tsāi ná-lí
早前約束毋分開
tsá-tsîng iok-sok m̄ hun-khui
予阮痴情迷戀你
hōo gún tshi-tsîng bê-luân lí
山盟海誓情綿綿
san-bîng hái-sè tsîng mî-mî
深深相愛綴相隨
tshim-tshim siong-ài tè sio-suî
想起舊情心哀悲
siūnn-khí kū-tsîng sim ai-pi
鴛鴦橋頂熟似你
uan-iunn-kiô tíng si̍k-sāi lí
一見鍾情愛著你
it-kiàn tsiong-tsîng ài-tio̍h lí
無疑放阮做你去
bô-gî pàng gún tsuè lí khì
啊~薄情郎
ah~ po̍k-tsîng-lông
你的良心在哪裡
lí ê liông sim tsāi ná-lí
