無情的探戈
《無情的探戈》Bô-tsîng ê Thàn-gòo
楚為仁Tshóo Uî-jîn
——————————————
一步一步閣一步
tsi̍t-pōo-tsi̍t-pōo koh tsi̍t-pōo
仝款的Tempo
kāng-khuán ê Tempo
仝款的跤步
kāng-khuán ê kha-pōo
一步一步閣再一步
tsi̍t-pōo-tsi̍t-pōo koh-tsài tsi̍t-pōo
無情的彼條探戈
bô-tsîng ê hit tiâu thàn-gòo
踏甲心肝碎糊糊
ta̍h kah sim-kuann tshuì-kôo-kôo
你講分開你袂痛苦
lí kóng hun-khui lí buē thòng-khóo
為怎樣你的目睭
uī-tsuánn-iūnn lí ê ba̍k-tsiu
哪會咧落雨
ná ē teh lo̍h-hōo
到底是啥人
tàu-tué sī siánn-lâng
造成這款的錯誤
tsō-sîng tsit khuán ê tshò-gōo
啊~只有一步閣一步
ah~ tsí-ū tsi̍t-pōo koh tsi̍t-pōo
再會啦
tsài-huē–lah
最後的探戈
tsuè-āu ê thàn-gòo
