望君立志
《望君立志》Bāng Kun Li̍p-tsì
張素綾Tiunn Sòo-lîng
——————————————
無風哪有波浪
bô hong ná-ū pho-lōng
無奮鬥哪會成功
bô hùn-tàu ná ē sîng-kong
你毋通閣再戇
lí m̄-thang koh-tsài gōng
一世人咧流浪
tsi̍t-sì-lâng teh liû-lōng
請你聽我講
tshiánn lí thiann guá kóng
執迷不悟無路用
tsip-bê put-ngōo bô-lōo-iōng
慈愛母親為你咧悲傷
tsû-ài bú-tshin uī lí teh pi-siong
某囝為你心茫茫
bóo-kiánn uī lí sim bông-bông
人生愛有方向
jîn-sing ài ū hong-hiòng
望君愛意志堅強
bāng kun ài ì-tsì kian-kiông
盡力量去開創
tsīn li̍k-liōng khì khai-tshòng
愛刻苦才應當
ài khik-khóo tsiah ing-tong
請你聽我講
tshiánn lí thiann guá kóng
佮人𨑨迌無路用
kah lâng thit-thô bô-lōo-iōng
害著母親為你咧悲傷
hāi-tio̍h bú-tshin uī lí teh pi-siong
某囝為你心茫茫
bóo-kiánn uī lí sim bông-bông
