最後一杯酒
《最後一杯酒》Tsuè-āu Tsi̍t-pue Tsiú
廖峻Liāu Tsùn
——————————————
你毋通閣再痴迷
lí m̄-thang koh-tsài tshi-bê
你毋通閣再眠夢
lí m̄-thang koh-tsài bîn-bāng
攏總已經過去
lóng-tsóng í-king kuè–khì
親像昨日的夢
tshin-tshiūnn tsa-ji̍t ê bāng
明知影你我無緣
bîng tsai-iánn lí guá bô-iân
無緣哪會成雙
bô-iân ná ē sîng-siang
既然攏是空
kì-jiân lóng-sī khang
為啥物閣再心茫茫
uī-siánn-mih koh-tsài sim bâng-bâng
啊~我毋是無情的人
ah~ guá m̄-sī bô-tsîng ê lâng
啊~我也有滿腹苦痛
ah~ guá iā ū muá-pak khóo-thàng
你敢知影阮悲傷
lí kám tsai-iánn gún pi-siong
最後也猶原是空
tsuè-āu iā iu-guân sī khang
倒一杯苦苦燒酒
tò tsi̍t-pue khóo-khóo sio-tsiú
添一份淡淡憂愁
thiam tsi̍t-hūn tām-tām iu-tshiû
啉了這杯酒
lim liáu tsit pue tsiú
再會啦
tsài-huē–lah
我心愛的人
guá sim-ài ê lâng
