惜別港都
《惜別港都》Sioh-pia̍t Káng-too
于林真Î Lîm-tsin
——————————————
一路送君到港口
tsi̍t-lōo sàng kun kàu káng-kháu
聽著船螺佇咧吼
thiann-tio̍h tsûn-lê tī-teh háu
心頭痛苦亂操操
sim-thâu thòng-khóo luān tshau-tshau
送伊行船出外頭
sàng i kiânn-tsûn tshut guā-thâu
相逢著等一年後
siong-hông tio̍h tán tsi̍t-nî āu
希望你會記阮等候
hi-bāng lí ē-kì gún tán-hāu
回國了後來阮兜
huê-kok liáu-āu lâi gún tau
結成夫妻好到老
kiat-sîng hu-tshe hó kah lāu
港都路燈閃閃爍
káng-too lōo-ting siám-siám-sih
引阮傷心目屎滴
in-gún siong-sim ba̍k-sái tih
想著港口惜別時
siūnn-tio̍h káng-kháu sioh-pia̍t sî
山盟海誓不分離
san-bîng hái-sè put hun-lî
無疑命運來創治
bô-gî miā-ūn lâi tshòng-tī
心愛的沉船已經死
sim-ài–ê tîm-tsûn í-king sí
阮才失望改嫁伊
gún tsiah sit-bōng kái-kè i
相逢已經有較遲
siong-hông í-king ū khah tî
