失戀敢是這款
《失戀敢是這款》Sit-luân Kám-sī Tsit Khuán
黃瑞琪N̂g Suī-kî
——————————————
我毋願我毋願為情煩
guá m̄-guān guá m̄-guān uī tsîng huân
為何愈想心愈亂
uī-hô jú siūnn sim jú luān
甜蜜的初戀
tinn-bi̍t ê tshoo-luân
變成哀怨
piàn-sîng ai-uàn
暝日為情咧操煩
mî-ji̍t uī tsîng teh tshau-huân
初戀的情絲
tshoo-luân ê tsîng-si
為何割不斷
uī-hô kuah put-tuān
失戀人何時會得溫暖
sit-luân-lâng hô-sî ē-tit un-luán
我哪失戀
guá ná sit-luân
袂當照著心願
buē-tàng tsiàu tio̍h sim-guān
失戀失戀原來這款
sit-luân sit-luân guân-lâi tsit khuán
我毋是我毋是採花蜂
guá m̄-sī guá m̄-sī tshái-hue-phang
無疑你是野花欉
bô-gî lí sī iá-hue-tsâng
美夢變成空
bí-bāng piàn-sîng khang
想著目箍紅
siūnn-tio̍h ba̍k-khoo âng
薄情可恨你一人
po̍k-tsîng khó-hūn lí tsi̍t-lâng
純情甘願放
sûn-tsîng kam-guān pàng
愛你了戇工
ài lí liáu gōng-kang
枉費對你犧牲遮重
óng-huì tuì lí hi-sing tsiah tāng
命運流轉
miā-ūn liû-tsuán
好歹何必怨嘆
hó-pháinn hô-pit uàn-thàn
失戀失戀原來這款
sit-luân sit-luân guân-lâi tsit khuán
