反悔已經遲
《反悔已經遲》Huán-hué Í-king Tî
楚為仁Tshóo Uî-jîn
——————————————
當初坦白對你講
tong-tshoo thán-pe̍h tuì lí kóng
我對事業較為重
guá tuì sū-gia̍p khah uî-tiōng
對著前途
tuì tio̍h tsiân-tôo
充滿著理想
tshiong-buán tio̍h lí-sióng
誰知你心肝遮爾雄
siáng tsai lí sim-kuann tsiah-nī hiông
恬恬來離開無相辭
tiām-tiām lâi lī-khui bô sio-sî
毋是我對你無重視
m̄-sī guá tuì lí bô tiōng-sī
啊~害阮三頓無滋味
ah~ hāi gún sann-tǹg bô tsu-bī
想欲來拜神明
siūnn-bueh lâi pài sîn-bîng
閣想欲問童乩
koh siūnn-bueh mn̄g tâng-ki
啊!袂赴矣啦!
ah! bē-hù–ah lah!
敢講是反悔已經遲
kám-kóng sī huán-hué í-king tî
