十年的感情
《十年的感情》Tsa̍p-nî ê Kám-tsîng
白冰冰Pe̍h Ping-ping
——————————————
毋相信你會變心
m̄ siong-sìn lí ē piàn-sim
隨時反面遮絕情
suî sî huán-bīn tsiah tsua̍t-tsîng
如今心內為何袂平靜
jû-kim sim-lāi uī-hô buē pîng-tsīng
我我我較想也袂分明
guá, guá, guá khah siūnn iā buē hun-bîng
過去海誓山盟
kuè-khì hái-sè san-bîng
欲伴我過一生
beh phuānn guá kuè it-sing
到底你是為啥原因
tàu-tué lí sī uī siánn guân-in
咱已經有十年感情
lán í-king ū tsa̍p-nî kám-tsîng
為啥物猶未死心
uī-siánn-mih iáu-buē sí-sim
為你猶原遮痴情
uī lí iu-guân tsiah tshi-tsîng
犀牛望月
sai-gû bāng-gue̍h
明知無路用
bîng-tsai bô-lōo-īng
你你你害我浪費半生
lí, lí, lí hāi guá lōng-huì puàn-sing
借酒麻醉心境
tsioh tsiú bâ-tsuì sim-kíng
強啉假鎮靜
kiông lim ké tìn-tsīng
若閣繼續為你消沉
nā koh kè-sio̍k uī lí siau-tîm
仝款也是白白犧牲
kāng-khuán iā-sī pe̍h-pe̍h hi-sing
