初戀的海岸
《初戀的海岸》Tshoo-luân ê Hái-huānn
于林真Î Lîm-tsin
——————————————
黃昏來行到
hông-hun lâi kiânn kàu
初戀痴情海
tshoo-luân tshi-tsîng hái
海風吹來
hái-hong tshue–lâi
海鳥哭悲哀
hái-tsiáu khàu pi-ai
黃昏來行到
hông-hun lâi kiânn kàu
惜別痴情海
sioh-pia̍t tshi-tsîng hái
海風冷霜
hái-hong líng-sng
引阮心酸嘆悲哀
ín gún sim sng thàn pi-ai
對你滿腹純情愛
tuì lí muá-pak sûn-tsîng ài
敢講你全然攏毋知
kám-kóng lí tsuân-jiân lóng m̄-tsai
三年無批倒轉來
sann nî bô phue tò-tńg–lâi
予阮來空等不應該
hōo gún lâi khang-tán put-ing-kai
黃昏來行到
hông-hun lâi kiânn kàu
初戀痴情海
tshoo-luân tshi-tsîng hái
海風聲聲
hái-hong siann-siann
親像替阮哭悲哀
tshin-tshiūnn thè gún khàu pi-ai
