兩年後的你
《兩年後的你》Nn̄g-nî Āu ê Lí
黃瑞琪N̂g Suī-kî
——————————————
賭著勇氣顧名聲
tóo tio̍h ióng-khì kòo miâ-siann
何必為情費心情
hô-pit uī tsîng huì sim-tsiânn
兩年奮鬥來拍拚
nn̄g-nî hùn-tàu lâi phah-piànn
絕對佮你拚輸贏
tsua̍t-tuì kah lí piànn-su-iânn
↓↓(口白)—(口白)—(口白)↓↓
人講浪子回頭
lâng kóng lōng-tsú huê-thiô
是金不換
sī kim put-huān
兩年後的你
nn̄g-nî āu ê lí
今何在
kim hô-tsāi
彼時你笑我無長志
hit-sî lí tshiò guá bô tióng-tsì
佮人學搬戲
kah lâng o̍h puann-hì
讀書閣毋捌字
tha̍k-tsu koh m̄ bat-jī
菝仔講是紅柿
pa̍t-á kóng sī âng-khī
龍眼講荔枝
lîng-gíng kóng nāi-tsi
豆腐當做sa-sí-mih
tāu-hū tòng-tsuè sa-sí-mih
甘願割斷月下老人
kam-guān kuah-tn̄g Gua̍t-hā-nóo-jîn
共咱安排的情絲
kā lán an-pâi ê tsîng-si
你講我是牛郎
lí kóng guá sī Gû-nn̂g
你是織女
lí sī Tsit-lí
為何你哪會為錢
uī-hô lí ná ē uī tsînn
變心做你去
piàn-sim tsò lí khì
可比熱天擲○○
khó-pí jua̍h-thinn tàn ??
二九暗的月光暝
jī-káu-àm ê gue̍h-kng-mî
落雨時的天頂星
lo̍h-hōo sî ê thinn-tíng tshinn
日子經過才兩年
ji̍t-tsí king-kuè tsiah nn̄g-nî
無疑恁翁煞來死
bô-gî lín ang suah lâi sí
當初你貪著湳肚仔較有起
tong-tshoo lí tham-tio̍h làm-tōo-á khah ū khí
金錢當做是萬能的鎖匙
kim-tsînn tòng-tsò sī bān-lîng ê só-sî
如今的你雖然真有錢
jû-kim ê lí sui-jiân tsin ū-tsînn
痛苦難講起
thòng-khóo lân kóng-khí
這款的生活
tsit khuán ê sing-ua̍h
這款的生活
tsit khuán ê sing-ua̍h
你敢誠是過著有意義是毋
lí kám tsiânn sī kuè-tio̍h ū ì-gī sī–m̄
↑↑(口白)—(口白)—(口白)↑↑
為錢變心
uī tsînn piàn-sim
不應該
put-ing-kai
無想男性的將來
bô siūnn lâm-sìng ê tsiong-lâi
環境雖然我較歹
khuân-kíng sui-jiân guá khah pháinn
兩年過了你何在
nn̄g-nî kuè-liáu lí hô-tsāi
↓↓(口白)—(口白)—(口白)↓↓
你講嫁我是一世人艱苦
lí kóng kè guá sī tsi̍t-sì-lâng kan-khóo
予人用金錢拐你去做某
hōo-lâng iōng kim-tsînn kuái lí khì tsò-bóo
我真憤慨
guá tsin hùn-khài
啥物叫做愛
sí-mih kiò-tsò ài
人講嫁人擔蔥賣菜
lâng kóng kè lâng tann-tshang buē-tshài
嘛毋願佮人公家翁婿
mā m̄-guān kah lâng kong-ke ang-sài
受著金錢魔力來所致
siū-tio̍h kim-tsînn môo-li̍k lâi sóo-tì
才來夯一个死翁枷
tsiah lâi giâ tsi̍t-ê sí-ang kê
兩年後的你
nn̄g-nî āu ê lí
敢敢閣想欲嫁
kám-kánn koh siūnn-beh kè
↑↑(口白)—(口白)—(口白)↑↑
兩年後來
nn̄g-nî āu–lâi
可憐你
khó-liân lí
反悔已經有較遲
huán-hué í-king ū khah tî
看破當初
khuànn-phuà tong-tshue
假情意
ké tsîng-ì
予你違心去想錢
hōo-lí uî-sim khì siūnn tsînn
