一人一款命
《一人一款命》Tsi̍t-lâng Tsi̍t-khuán Miā
甘奇靈Kam Kî-lîng
——————————————
人生的路雖然歹行
jîn-sing ê lōo sui-jiân pháinn-kiânn
心頭嘛著提予定
sim-thâu mā tio̍h the̍h hōo tiānn
為著名聲
uī-tio̍h miâ-siann
為前途賭性命
uī tsiân-tôo tóo sìnn-miā
心內的快樂敢真正
sim-lāi ê khuài-lo̍k kám tsin-tsiànn
日時到暗暝
ji̍t–sî kàu àm-mî
花開又花謝
hue khui iū hue siā
一人嘛有一款命
tsi̍t-lâng mā ū tsi̍t-khuán miā
總是每一个人
tsóng–sī muí tsi̍t-ê lâng
攏著愛好好拍拚
lóng tio̍h-ài hó-hó phah-piànn
毋免怨嘆運命
m̄-bián uàn-thàn ūn-miā
人生路途雖然遙遠
jîn-sing lōo-tôo sui-jiân iâu-uán
跤步沉重嘛著行
kha-pōo tîm-tāng mā tio̍h kiânn
只有真情
tsí-ū tsin-tsîng
才是永遠
tsiah-sī íng-uán
心內的快樂才真正
sim-lāi ê khuài-lo̍k tsiah tsin-tsiànn
心情的空虛
sim-tsîng ê khang-hi
心內的傷悲
sim-lāi ê siong-pi
一人失敗是暫時
tsi̍t-lâng sit-pāi sī tsiām-sî
總是每一个人
tsóng–sī muí tsi̍t-ê lâng
攏著愛好好拍拚
lóng tio̍h-ài hó-hó phah-piànn
毋免怨嘆運命
m̄-bián uàn-thàn ūn-miā
