港邊思情
《港邊思情》Káng-pinn Su Tsîng
甘奇靈Kam Kî-lîng
——————————————
心愛的心愛的
sim-ài–ê sim-ài–ê
如今毋知是佇佗位
jû-kim m̄-tsai sī tī tó-uī
怎樣予阮揣無你
tsuánn-iūnn hōo gún tshuē-bô lí
啥原因啥原因
siánn guân-in siánn guân-in
哪會放阮來做你去
ná ē pàng gún lâi tsuè lí khì
害阮寂寞過日子
hāi gún tsi̍k-bo̍k kuè ji̍t-tsí
彼當時踮港邊
hit-tong-sî tiàm káng-pinn
你對阮來表示
lí tuì gún lâi piáu-sī
希望有一日
hi-bāng ū-tsi̍t-ji̍t
會當結連理
ē-tàng kiat-liân-lí
聽著你彼句話
thiann-tio̍h lí hit kù uē
感情攏放予你
kám-tsîng lóng pàng hōo lí
想袂到你是無情無義
siūnn buē-kàu lí sī bô-tsîng-bô-gī
黃昏港邊風微微
hông-hun káng-pinn hong bî-bî
海鳥陣陣啼
hái-tsiáu tsūn-tsūn thî
見景傷情珠淚滴
kiàn-kíng siong-tsîng tsu-luī tih
