浪子淚
《浪子淚》Lōng-tsú Luī
七郎Tshit-lông
——————————————
穿著你送予我的外疊
tshīng tio̍h lí sàng hōo guá ê guā-tha̍h
踏著傷心的淚影
ta̍h tio̍h siong-sim ê luī-iánn
無緣兩字
bô-iân nn̄g-jī
摺佇衫的領
tsih tī sann ê niá
心已經碎已經散
sim í-king tshuì í-king suànn
單薄的心
tan-po̍h ê sim
欲哭無聲
beh khàu bô-siann
淋著雨
lâm tio̍h hōo
冷又寒
líng iū kuânn
手中的行李毋甘放
tshiú-tiong ê hîng-lí m̄-kam pàng
內面攏是多情啦
lāi-bīn lóng-sī to-tsîng–lah
今夜我想著你的名
kim-iā guá siūnn tio̍h lí ê miâ
身邊只有風聲
sin-pinn tsí-ū hong-siann
傷心目屎陪阮行
siong-sim ba̍k-sái puê gún kiânn
心一直酸一直磨
sim it-ti̍t sng it-ti̍t buâ
今夜我叫著你的名
kim-iā guá kiò tio̍h lí ê miâ
手牽著寂寞孤單
tshiú khan tio̍h tsi̍k-bo̍k koo-tuann
愛你
ài lí
用我的性命
iōng guá ê sìnn-miā
換來一生心疼
uānn-lâi it-sing sim thiànn
